ಹೆಣ್ಣು ಮಕ್ಕಳ ಸಹಿ ಇಲ್ಲದೆ ಜಮೀನು ಮಾರಾಟ ಮಾಡಿದರೆ ಆ ಮಾರಾಟ ಕಾನೂನುಬದ್ಧವಾಗಿರುತ್ತದೆಯೇ? ಸುಪ್ರೀಂ ಕೋರ್ಟ್ ನೀಡಿರುವ ಮಹತ್ವದ ತೀರ್ಪು ಪ್ರಕಾರ, ಹೆಣ್ಣು ಮಕ್ಕಳಿಗೂ ಸಮಾನ ಆಸ್ತಿ ಹಕ್ಕು ಇರುವುದರಿಂದ ಅವರ ಒಪ್ಪಿಗೆ ಇಲ್ಲದೆ ನಡೆದ ಜಮೀನು ವ್ಯವಹಾರಕ್ಕೆ ಕಾನೂನು ತೊಂದರೆ ಎದುರಾಗಬಹುದು. ಈ ತೀರ್ಪು ಭವಿಷ್ಯದಲ್ಲಿ ಜಮೀನು ಮಾರಾಟ ಮತ್ತು ಆಸ್ತಿ ಹಂಚಿಕೆಗೆ ದೊಡ್ಡ ಪರಿಣಾಮ ಬೀರುವ ಸಾಧ್ಯತೆ ಇದೆ.
ಆತ್ಮೀಯ ರೈತ ಬಾಂಧವರೇ ತಮಗೆಲ್ಲಾ ಮೀಡಿಯಾ ಚಾಣಕ್ಯ ಅಧಿಕೃತ ಜಾಲತಾಣಕ್ಕೆ ಹಾರ್ದಿಕ ಸ್ವಾಗತ,
Thank you for reading this post, don't forget to subscribe!ಒಂದು ವೇಳೆ ನಿಮ್ಮ ತವರು ಮನೆಯಲ್ಲಿ ನಿಮ್ಮ ಸಹಿ (Signature) ಅಥವಾ ಒಪ್ಪಿಗೆ ಇಲ್ಲದೆ ಜಮೀನು ಮಾರಾಟ ಆಗಿದ್ದರೆ, ಕಾನೂನು ಏನು ಹೇಳುತ್ತದೆ? ಆ ಮಾರಾಟ ಊರ್ಜಿತವಾಗುತ್ತಾ ಅಥವಾ ರದ್ದಾಗುತ್ತಾ? ಇಲ್ಲಿದೆ ನಿಮಗೆ ಬೇಕಾದ ಸಂಪೂರ್ಣ ಮಾಹಿತಿ.
ಮೊದಲಿಗೆ ನೀವು ಒಂದು ವಿಷಯ ಸ್ಪಷ್ಟಪಡಿಸಿಕೊಳ್ಳಬೇಕು. ಮಾರಾಟವಾದ ಆಸ್ತಿ ಎಂತಹದ್ದು?
ಪೂರ್ವಜರ ಆಸ್ತಿ (Ancestral Property): ಅಂದರೆ ಮುತ್ತಜ್ಜ, ಅಜ್ಜ ಅಥವಾ ತಂದೆಗೆ ಬಳುವಳಿಯಾಗಿ ಬಂದ ಆಸ್ತಿ.
ಸ್ವಯಾರ್ಜಿತ ಆಸ್ತಿ (Self-Acquired Property): ತಂದೆ ತಮ್ಮ ಸ್ವಂತ ದುಡಿಮೆಯಿಂದ ಖರೀದಿಸಿದ ಆಸ್ತಿ.
ಇಲ್ಲಿ ಹೆಣ್ಣುಮಕ್ಕಳಿಗೆ ಸುಪ್ರೀಂ ಕೋರ್ಟ್ (Supreme Court) ದೊಡ್ಡ ಅಧಿಕಾರ ಕೊಟ್ಟಿದೆ. 2005ರ ಹಿಂದೂ ಉತ್ತರಾಧಿಕಾರ ಕಾಯ್ದೆಯ ತಿದ್ದುಪಡಿ ಮತ್ತು ವಿನೀತಾ ಶರ್ಮಾ v/s ರಾಕೇಶ್ ಶರ್ಮಾ ಪ್ರಕರಣದ ತೀರ್ಪಿನ ಪ್ರಕಾರ:
1.ಹೆಣ್ಣುಮಕ್ಕಳು ಹುಟ್ಟಿನಿಂದಲೇ ಆಸ್ತಿಯಲ್ಲಿ ಸಮಾನ ಹಕ್ಕುದಾರರು (Coparcener).
2.ತಂದೆ ಬದುಕಿರಲಿ ಅಥವಾ ಇಲ್ಲದಿರಲಿ, ಮದುವೆ ಆಗಿರಲಿ ಅಥವಾ ಆಗದಿರಲಿ, ಗಂಡು ಮಕ್ಕಳಿಗೆ ಎಷ್ಟು ಹಕ್ಕಿದೆಯೋ ಹೆಣ್ಣು ಮಕ್ಕಳಿಗೂ ಅಷ್ಟೇ ಹಕ್ಕಿರುತ್ತದೆ.
3.ಪರಿಣಾಮ: ಒಂದು ವೇಳೆ ಈ ಪೈತೃಕ ಆಸ್ತಿಯನ್ನು ನಿಮ್ಮ ಸಹಿ ಇಲ್ಲದೆ ತಂದೆ ಅಥವಾ ಸಹೋದರರು ಮಾರಾಟ ಮಾಡಿದ್ದರೆ, ಆ ಮಾರಾಟ ಕಾನೂನುಬದ್ಧವಾಗಿಲ್ಲ. ನೀವು ಕೋರ್ಟ್ ಮೆಟ್ಟಿಲೇರಿ ನಿಮ್ಮ ಪಾಲಿನ ಆಸ್ತಿಯನ್ನು ವಾಪಸ್ ಪಡೆಯಬಹುದು ಅಥವಾ ಮಾರಾಟವನ್ನು ರದ್ದು ಮಾಡಬಹುದು (Voidable).
ಇಲ್ಲಿ ನಿಯಮ ಬೇರೆ ಇದೆ.
ಒಂದು ವೇಳೆ ತಂದೆ ಆ ಆಸ್ತಿಯನ್ನು ಸ್ವಂತ ದುಡಿಮೆಯಿಂದ ಖರೀದಿಸಿದ್ದರೆ, ಅವರು ಯಾರಿಗೆ ಬೇಕಾದರೂ ಅದನ್ನು ಮಾರಾಟ ಮಾಡಬಹುದು ಅಥವಾ ಬರೆದುಕೊಡಬಹುದು.
ಇದಕ್ಕೆ ಮಗಳ ಸಹಿ ಬೇಕಾಗಿಲ್ಲ. ಈ ವಿಚಾರದಲ್ಲಿ ಮಗಳು ಹಕ್ಕು ಕೇಳುವಂತಿಲ್ಲ.
ಆದರೆ, ತಂದೆ ತೀರಿಕೊಂಡ ನಂತರ, ಅವರು ಉಯಿಲು (Will) ಬರೆಯದೆ ಹೋಗಿದ್ದರೆ, ಆಗ ಆ ಆಸ್ತಿಯಲ್ಲಿ ಮಗಳಿಗೆ ಸಮಾನ ಪಾಲು ಸಿಗುತ್ತದೆ.
ಹೆದರಬೇಡಿ, ಆಸ್ತಿ ಮಾರಾಟವಾಗಿದ್ದರೂ ನಿಮಗೆ ನ್ಯಾಯ ಸಿಗುವ ದಾರಿಗಳಿವೆ:
1.ಲೀಗಲ್ ನೋಟಿಸ್ (Legal Notice): ಮೊದಲು ವಕೀಲರ ಮೂಲಕ, ಆಸ್ತಿ ಖರೀದಿಸಿದವರಿಗೆ ಮತ್ತು ಮನೆಯವರಿಗೆ ನೋಟಿಸ್ ಕಳಿಸಿ. “ನನ್ನ ಗಮನಕ್ಕೆ ತಾರದೆ ಈ ವ್ಯವಹಾರ ನಡೆದಿದೆ, ಇದರಲ್ಲಿ ನನಗೂ ಭಾಗ ಬರಬೇಕು” ಎಂದು ತಿಳಿಸಿ.
2.ದಾವೆ ಹೂಡುವುದು (File a Suit): ಸಿವಿಲ್ ಕೋರ್ಟ್ನಲ್ಲಿ ‘Partition Suit’ (ಭಾಗದ ದಾವೆ) ಹೂಡಬಹುದು. ಆಸ್ತಿ ಮಾರಾಟವಾಗಿ 12 ವರ್ಷದ ಒಳಗಾಗಿ ನೀವು ದಾವೆ ಹೂಡಿದರೆ ನಿಮ್ಮ ಹಕ್ಕು ನಿಮಗೆ ಸಿಗುವ ಸಾಧ್ಯತೆ ಹೆಚ್ಚು.
3.ಖರೀದಿದಾರರ ಎಚ್ಚರಿಕೆ: ಯಾರು ಆಸ್ತಿ ಕೊಂಡುಕೊಂಡಿದ್ದಾರೋ, ಅವರಿಗೆ ನಿಮ್ಮ ಸಹಿ ಇಲ್ಲದೆ ಆಸ್ತಿ ಪೂರ್ತಿಯಾಗಿ ಸಿಗುವುದಿಲ್ಲ. ಕೋರ್ಟ್ ತೀರ್ಪು ಬಂದರೆ, ಅವರು ನಿಮ್ಮ ಪಾಲನ್ನು ಬಿಟ್ಟುಕೊಡಬೇಕಾಗುತ್ತದೆ ಅಥವಾ ಅದಕ್ಕೆ ತಕ್ಕ ಪರಿಹಾರ ಕೊಡಬೇಕಾಗುತ್ತದೆ
ನೀವು ಸಹಿ ಹಾಕುವಾಗ ಅದು ‘ಮುಚ್ಚಳಿಕೆ ಪತ್ರ’ (Relinquishment Deed) ಆಗಿದೆಯೇ ಎಂದು ನೋಡಿಕೊಳ್ಳಿ. ಒಮ್ಮೆ ಹಕ್ಕು ಬಿಟ್ಟುಕೊಟ್ಟು ಸಹಿ ಮಾಡಿದರೆ ಮತ್ತೆ ಕೇಳಲು ಬರುವುದಿಲ್ಲ.
ಆಸ್ತಿ ಮಾರಾಟವಾಗಿ ತುಂಬಾ ವರ್ಷಗಳಾಗಿದ್ದರೆ (12 ವರ್ಷಕ್ಕಿಂತ ಹೆಚ್ಚು), ಕೇಸ್ ಗೆಲ್ಲುವುದು ಕಷ್ಟವಾಗಬಹುದು. ಹಾಗಾಗಿ ತಡ ಮಾಡಬೇಡಿ.
ಹೆಣ್ಣು ಮಕ್ಕಳು ಅಬಲೆಯರಲ್ಲ, ಕಾನೂನು ನಿಮ್ಮ ಜೊತೆಗಿದೆ. ತವರು ಮನೆಯ ಪ್ರೀತಿ ಮುಖ್ಯ, ಆದರೆ ಮೋಸವಾದಾಗ ಸುಮ್ಮನಿರಬೇಡಿ. ನಿಮ್ಮ ಹಕ್ಕನ್ನು ಬಿಟ್ಟುಕೊಡಬೇಡಿ.
ಈ ಮಾಹಿತಿ ನಿಮಗೆ ಉಪಯುಕ್ತ ಅನಿಸಿದರೆ, ಶೇರ್ ಮಾಡಿ. ಎಷ್ಟೋ ಜನ ಹೆಣ್ಣುಮಕ್ಕಳಿಗೆ ಈ ಕಾನೂನು ಗೊತ್ತಿಲ್ಲದೆ ಮೋಸ ಹೋಗುತ್ತಿದ್ದಾರೆ.
ಮೀಡಿಯಾ ಚಾಣಕ್ಯ ವೆಬ್ಸೈಟ್ಗೆ ಭೇಟಿ ನೀಡಿರುವ ಎಲ್ಲರಿಗೂ ಧನ್ಯವಾದಗಳು. ನಿಮಗೆ ಹೆಚ್ಚಿನ ಮಾಹಿತಿ ಬೇಕಾದರೆ ನಮ್ಮ ವಾಟ್ಸಾಪ್ ಚಾನೆಲ್ ಗೆ ಕೆಳಗೆ ನೀಡಿರುವ ಲಿಂಕ್ ಮೂಲಕ ಸೇರಿಕೊಳ್ಳಿ. 👇👇👇
WhatsApp ನಲ್ಲಿ Media Chanakya ಚಾನಲ್ ಫಾಲೋ ಮಾಡಿ: 👇👇👇
WhatsApp ನಲ್ಲಿ Media Chanakya ಚಾನಲ್ ಫಾಲೋ ಮಾಡಿ: 👇👇👇 https://chat.whatsapp.com/FM1qVgdNtJm5m1M9SL0BHc?mode=ac_t
ಆತ್ಮೀಯ ರೈತ ಬಾಂಧವರೇ ನಿಮಗೆಲ್ಲ ಮೀಡಿಯಾ ಚಾಣಕ್ಯ ವೆಬ್ ಸೈಟ್ ಗೆ ಸುಸ್ವಾಗತ. ನಿಮಗೆಲ್ಲಾ ತಿಳಿದಿರುವಂತೆ ಇತ್ತೀಚಿನ ದಿನಗಳಲ್ಲಿ ಚಿನ್ನ…
ರಾಜ್ಯದಲ್ಲಿ ಈ ಬಾರಿ ಹಿಂಗಾರು ಮಳೆಯಿಂದಾಗಿ ಸುಮಾರು 1.58 ಲಕ್ಷ ಹೆಕ್ಟೇರ್ ಪ್ರದೇಶ ಬೆಳೆ ಹಾನಿಗೆ ಒಳಗಾಗಿದೆ. ಇದರಿಂದಾಗಿ ರಾಜ್ಯದ…
Check your Land Akarband ರೈತರು ತಮ್ಮ ಜಮೀನಿನ ದಾಖಲೆಗಳಲ್ಲಿ ಒಂದಾದ ಆಕಾರಬಂದ್ ನ್ನು ಮೊಬೈಲ್ ನಲ್ಲೇ ಡೌನ್ಲೋಡ್ ಮಾಡಬಹುದು.ಹೌದು,…
ಇದೀಗ ರಾಜ್ಯ ಸರ್ಕಾರವು ಬೆಳೆ ಪರಿಹಾರ ಹಣ ಜಮಾ ಮಾಡಲು ಆಧಾರ್ ಲಿಂಕ್ ಆಗದ ರೈತರ ಪಟ್ಟಿಯನ್ನು ಬಿಡುಗಡೆ ಮಾಡಿದ್ದು,…
ಆತ್ಮೀಯ ರೈತ ಬಾಂಧವರೇ ತಮಗೆಲ್ಲ ಮೀಡಿಯಾ ಚಾಣಕ್ಯ ಅಧಿಕೃತ ಜಾಲತಾಣಕ್ಕೆ ಹಾರ್ದಿಕ ಸ್ವಾಗತ. ಸ್ನೇಹಿತರೆ, ಭಾರತದಲ್ಲಿ ಶೇಕಡಾ 60 ರಷ್ಟು…
ಸಾವಿರಾರು ರೈತರ ಪಹಣಿಯಲ್ಲಿ ವಕ್ಫ್ ಬೋರ್ಡ್ ಹೆಸರು ಇದ್ದು ರೈತರ ಜಮೀನಿನ ಮೇಲೆ ವಕ್ಫ್ ಅಧಿಕಾರ ಹಕ್ಕು ಹೊಂದಿದೆ ಎಂದು…